واشنگٽن (ويب ڊيسڪ)ليجنڊ ڪرڪيٽر ايلن بارڊر انڪشاف ڪيو آهي ته هو پارڪنسن جي مرض ۾ مبتلا آهي.پنهنجي هڪ انٽرويو ۾ عظيم آسٽريلوي ڪرڪيٽر جو چوڻ هو ته مون کي 2016 ۾ پارڪنسن جي مرض جي سڃاڻپ ٿي هئي پر مون ان کي اڳ ۾ عام نه ڪيو هو. ”مان نه ٿي چاهيان ته ماڻهو مون تي افسوس ڪن، پر هاڻي مون کي لڳي ٿو ته ڪڏهن ڪڏهن ماڻهو سمجهندا آهن،“ هن چيو. ”مان هن وقت 68 سالن جو آهيان. ڊاڪٽرن جو خيال آهي ته جيڪڏهن مان 80 سالن جي جيئرو رهيس ته اهو هڪ معجزو هوندو،“ هن چيو ته هو هاڻي پريشان ناهي، ويجهي مستقبل بابت پريشان ناهي، ٿي سگهي ٿو ته اڃا به ڪيترن کان بهتر آهي، پر ويجهن دوستن چيو آهي ته هن بيماري جون نشانيون محسوس ڪرڻ شروع ڪيون آهن.ياد رهي ته ايلن بارڊر 1987ع جو ورلڊ ڪپ کٽيندڙ آسٽريلوي ٽيم جو ڪپتان هو، هو ٽيسٽ ڪرڪيٽ ۾ 11 هزار رنسون ٺاهيندڙ پهريون بيٽسمين پڻ آهي. آمريڪي انسٽيٽيوٽ آف هيلٿ جي ويب سائيٽ موجب ’پارڪنسن جي بيماري‘ هڪ ذهني بيماري آهي جنهن ۾ مبتلا ماڻهن کي جسم جي غير ارادي حرڪت، لرزش ۽ توازن برقرار رکڻ ۾ ڏکيائي جهڙيون علامتون محسوس ٿينديون آهن. ويب سائيٽ موجب هن مرض جون علامتون تمام سست شروع ٿينديون آهن پر وقت گذرڻ سان گڏ انتهائي سنجيده ٿي وينديون آهن. جيئن جيئن بيماري وڌي ٿي، متاثر ماڻهو کي هلڻ ۽ ڳالهائڻ ۾ به ڏکيائي ٿئي ٿي.
