لاهور (ويب ڊيسڪ)پاڪستان ڪرڪيٽ بورڊ (پي سي بي) حڪومت کي خط لکي ڪرڪيٽ ٽيم کي ڀارت ۾ ٿيندڙ ورلڊ ڪپ ۾ شرڪت جي اجازت ڏئي ڇڏي آهي.ذريعن موجب پي سي بي وزارت جي بين الصوبائي رابطا ڪميٽي ذريعي وزيراعظم شهباز شريف کي خط لکيو آهي.ذريعن جو چوڻ آهي ته پي سي بي ورلڊ ڪپ ۾ شرڪت جي هدايت لاءِ حڪومت کي خط لکي ڇڏيو آهي، جنهن ۾ چيو ويو آهي ته ورلڊ ڪپ ڀارت ۾ ٿي رهيو آهي، ٻڌايو وڃي ته شرڪت ڪرڻ يا نه. ان حوالي سان به هدايتون جاري ڪيون وڃن ته ڪهڙي جڳهه کيڏڻ گهرجي.ذريعن جو چوڻ آهي ته پي سي بي خط سان گڏ سمورن وينز جي لسٽ به حڪومت کي موڪلي ڇڏي آهي ۽ چيو آهي ته روانگي جو فيصلو ٿيڻ کان اڳ جيڪڏهن وفد کي ڀارت موڪلڻو آهي ته اهو به فيصلو ڪيو وڃي.خط جي متن موجب 2016ع ۾ ڀارت وڃڻ کان اڳ وفد ڀارت ويو هو، پي سي بي وفد موڪلڻ ۾ مدد لاءِ تيار آهي.ذريعن جو چوڻ آهي ته پي سي بي گهرو وزارت ۽ پرڏيهي وزارت کي خط به موڪليو آهي.
