لاهور (ويب ڊيسڪ)ذڪا اشرف انٽرنيشنل ڪرڪيٽ ڪائونسل جي سالياني اجلاس ۾ شرڪت لاءِ سڀاڻي ڏکڻ آفريڪا روانو ٿيندو.ذريعن موجب پي سي بي جي سي او او سلمان نصير به پاڪستان ڪرڪيٽ بورڊ مئنيجمينٽ ڪميٽي جي چيئرمين ذڪا اشرف سان گڏ هوندو.آءِ سي سي جو ساليانو اجلاس 10 کان 13 جولاءِ تائين ڏکڻ آفريڪا جي شهر ڊربن ۾ ٿيندو.ذريعن موجب آءِ سي سي اجلاس ۾ اهم معاملن تي خيالن جي ڏي وٺ ڪئي ويندي، جڏهن ته سالياني رپورٽ ۽ مستقبل جي پلان تي به غور ڪيو ويندو.ذريعن جو چوڻ آهي ته آءِ سي سي پاڪستان ۾ ٿيندڙ چيمپيئنز ٽرافي 2025ع بابت ميمبرن کي بريفنگ ڏيندو، جڏهن ته اجلاسن جي موقعي تي پي سي بي جا آفيسر ميمبر ملڪن جي آفيسرن سان به ملاقاتون ڪندا.ذريعن موجب ملاقات دوران اي سي سي جي ميمبرن سان گڏ ايشيا ڪپ جي ميچن سميت ٻين معاملن تي به ڳالهيون ٿينديون.
