اسلام آباد(بيورو رپورٽ)ورلڊ ڪپ ۾ شرڪت لاءِ پاڪستان ڪرڪيٽ ٽيم جي ڀارت وڃڻ واري معاملي تي هاءِ پروفائل ڪميٽي جوڙي وئي.پرڏيهي وزير بلاول ڀٽو زرداري جي سربراهي ۾ اعليٰ سطحي ڪميٽي ورلڊ ڪپ ۾ پاڪستان جي شرڪت بابت فيصلو ڪندي.وفاقي وزير راڻا ثناءُ الله، اعظم نذير تارڙ، احسان مزاري، مريم اورنگزيب، اسد محمود، امين الحق، قمر زمان ڪائره ۽ طارق فاطمي به ڪميٽي ۾ شامل آهن.قومي سلامتي ادارن جا سربراهه ۽ پرڏيهي سيڪريٽري به هاءِ پروفائل ڪميٽي جو حصو آهن.ذريعن موجب ڪميٽي ڀارت ۾ ٿيندڙ ورلڊ ڪپ بابت سمورن معاملن تي سفارشون پيش ڪندي، جنهن جي روشني ۾ ورلڊ ڪپ ۾ شرڪت جو فيصلو ڪيو ويندو.ان حوالي سان ذريعن جو چوڻ آهي ته حتمي سفارشون منظوري لاءِ وزيراعظم ڏانهن اماڻيون وينديون.
