لاهور (ويب ڊيسڪ)پاڪستان ڪرڪيٽ ٽيم جي اڳوڻي ڪپتان راشد لطيف به وائيٽ بال ڪرڪيٽرز جي پينشن جو مطالبو ڪري ڇڏيو.ان حوالي سان مائيڪرو بلاگنگ ويب سائيٽ ٽوئيٽر تي راشد لطيف لکيو ته پاڪستان ڪرڪيٽ بورڊ وائيٽ بال ڪرڪيٽرز لاءِ پينشن اسڪيم تيار ڪري، ڪرڪيٽرن کي پينشن جي سهولت کان پري رکڻ ناانصافي آهي.هن لکيو ته ڪجهه ڪرڪيٽر رڳو وائيٽ بال ڪرڪيٽ کيڏندا آهن، پينشن لاءِ عمر 60 سالن کان گهٽائي 50 سال ڪئي وڃي، ڪرڪيٽ ڇڏڻ کان پوءِ ٻن يا ٽن سالن کان پوءِ پينشن شروع ٿيڻ گهرجي.راشد لطيف پنهنجي ٽوئيٽ ۾ محمد حفيظ ۽ مصباح الحق سان گڏ پاڪستان ڪرڪيٽ بورڊ (پي سي بي) جو به ذڪر ڪيو.
