ڪراچي(اسٽاف رپورٽر)پهريون ڀيرو ڏکڻ آفريڪا وومين ڪرڪيٽ ٽيم پاڪستان جي دوري تي ڪراچي پهچي وئي.ذريعن موجب ڏکڻ آفريڪي وومين ڪرڪيٽ ٽيم دبئي جي اڏام اي ڪي 600 ذريعي ڪراچي پهتي.ان حوالي سان پوليس ذريعن جو چوڻ آهي ته ٽيم جي سڪيورٽي لاءِ صدر جو پروٽوڪول ڏنو پيو وڃي.ڪراچي ايئرپورٽ ٽرمينل ون کان ٽيم جي رهائشگاهه تائين سيڪيورٽي جا سخت انتظام ڪيا ويا هئا.ڏکڻ آفريڪا ۽ پاڪستان وومين ڪرڪيٽ ٽيمن وچ ۾ 3 ٽي ٽوئنٽي ميچون 1، 3 ۽ 5 سيپٽمبر تي شام 7:30 وڳي نيشنل اسٽيڊيم ۾ کيڏيون وينديون.ٻئي ٽيمون 8، 11 ۽ 14 سيپٽمبر تي ون ڊي ميچون کيڏنديون.ڏکڻ آفريڪي وومين ڪرڪيٽر 15 سيپٽمبر تي وطن روانا ٿينديون.
