ڪراچي (ڊيسڪ نيوز) اوپو جي ذلي ڪمپني ”ريئل مي“ پاران پنهنجا نوان موبائل سيٽ پاڪستان ۾ وڪري لاءِ پڌرا ڪيا ويا آهن. ريئل مي 5 سيريز جا ٻئي فون ”مڊ رينج“ سمجهيا وڃن ٿا ۽ ڪمپنيءَ دعويٰ ڪئي آهي ته انهن مان هڪ پاڪستان ۾ پهريون ڀيرو پڌرو ٿيندڙ اهڙو موبائل فون آهي جنهن جي ڪيمرا 48 ميگا پڪسل آهي. اهي ٻئي فون سيٽ ٻه ڏينهن اڳ لاهور ۾ پڌرا ڪيا ويا. انهن مان هڪ فون ريئل مي 5 جي اسڪرين 6.5 انچ ڊسپلي واري آهي، ان جي ريم 3 کان 4 جي بي آهي ۽ اهو موبائل 128 جي بي جي اسٽوريج وارو آهي. ريئل مي 5 پرو نالي سيٽ ۾ 6.3 انچ جو ايف ايڇ ڊي پلس ڊيو ڊراپ ڊسپلي ڏنو ويو آهي جنهن ۾ 4 کان 8 جي بي ريم ۽ ۽ 128 جي بي اسٽوريج آهي.
