اسلام آباد: (بيورو رپورٽ) پاڪستان تحريڪ انصاف مولانا فضل الرحمان سان فوري طور تي رابطي جو فيصلو ڪري ورتو آهي جيڪا سياسي منظرنامي ۾ اهم اڳڀرائي آهي.ذريعن موجب پي ٽي آءِ ۽ جمعيت علماءِ اسلام وچ ۾ وڇوٽيون گهٽ ٿيڻ لڳيون. تحريڪ انصاف طرفان جي يو آءِ(ف) جي سربراهه کي احتجاجي تحريڪ ۾ شامل ٿيڻ جي لاءِ باقاعده دعوت ڏني ويندي.ذريعن موجب ڳالهين جي ڪميٽي جو سربراهه اسد قيصر پارٽي ميمبرن سان رات دير سان اهم مشاورت ڪئي.. ذريعن چيو آهي ته گرينڊ الائنس ۾ شامل پارٽين جي سربراهن سان به رابطا تيز ڪري ڇڏيا آهن. اسد قيصر رابطن جي حوالي سان پارٽي جي سينئر قيادت سان مشاورت مڪمل ڪري ورتي آهي.
