ڪراچي(اسپورٽس نيوز) پاڪستان ڪرڪيٽ ٽيم جي اڳوڻي ڪپتان شاهد آفريدي چيو آهي ته ويرات ڪوهلي پاڪستان اچڻ بابت سٺي ڳالهه ڪئي آهي، هن کان به اها ئي اميد هئي.ڪراچي ۾ ٽيپ بال تقريب کي خطاب ڪندي شاهد آفريدي چيو ته هو ويرات ڪوهلي کي ڀليڪار ڪري ٿو چاهي هو پي ايس ايل ۾ اچي يا ڀارتي ٽيم ۾ شامل ٿئي.پاڪستاني ٽيم بابت ڳالهائيندي شاهد آفريدي چيو ته صائم ايوب ڪافي باصلاحيت آهي، اميد آهي ته ڇوڪرو پرفارم ڪندو، پاڪستان کي هڪ ڇوڪرو جي ضرورت آهي جيڪو شروع ۾ 6 اوور سٺي نموني کيڏي سگهي.هن چيو ته محمد حارث ۽ صاحبزاده فرحان سان انصاف ناهي ڪيو ويو.شاهد آفريدي چيو ته آمريڪي وڪيٽون بيٽسمينن لاءِ سازگار هونديون، پاڪستان کي ورلڊ ڪپ فائنل کيڏڻو پوندو.ان کان علاوه هن چيو ته هو شاهين آفريدي سان ڪرڪيٽ بابت گهٽ ڳالهائيندو آهي، هو ڪافي ذهين آهي ۽ کيس چيو آهي ته ڪرڪيٽ تي ڌيان ڏي.
