دمبولا (ويب ڊيسڪ)وومين ايشيا ڪپ ۾ قومي ٽيم گڏيل عرب امارات (يو اي اي) کي 10 وڪيٽن تان شڪست ڏئي تاريخ رقم ڪري ڇڏي، اهڙي فتح کانپوءِ قومي وومين ٽيم به سيمي فائنل ۾ پهچي وئي.سريلنڪا جي شهر دمبولا ۾ کيڏيل ويمن ايشيا ڪپ جي ميچ ۾ گڏيل عرب امارتن پهريان بيٽنگ ڪندي مقرر 20 اوورن ۾ 8 وڪيٽن جي نقصان تي 103 رنسون ٺاهيون.پاڪستان وومين ڪرڪيٽ ٽيم ٽي 20 وومين ايشيا ڪپ جي اهم ميچ ۾ يو اي اي کي 10 وڪيٽن تان شڪست ڏئي ٽورنامينٽ ۾ 10 وڪيٽن تان مئچ کٽي پهرين ٽيم جو اعزاز حاصل ڪري ورتو.يو اي اي طرفان رڳو 3 رانديگر ڊبل فگر ۾ داخل ٿي سگهيا، تيرٿا ستيش 40 رنسون، ڪپتان ايشا اوز 16 ۽ خوشي شرما 12 رنسون اسڪور ڪيون.قومي وومين ٽيم طرفان سعديه اقبال 2، طوبا حسن ۽ نشرا سنڌو 2 وڪيٽون ورتيون. هدف جي تعاقب ۾ قومي وومين ٽيم طرفان گل فيروزه ۽ منيبا علي 62 ۽ 37 رنسن جي ناقابل شڪست اننگز کيڏي.
