خانپور مهر (ن س )خانپور مهر ويجهو پنجن ٻارن جي ماءُ کي مبينا طور گهٽا ڏئي قتل ڪيو ويو آهي.ڳوٺ سونو پتافي ۾ مسمات گلزاران سومرو کي مبينا طور گهٽا ڏئي قتل ڪيو ويو.اطلاع ملڻ بعد وارثن ۽ پوليس واقعي واري هنڌ پهچي لاش کڻائي شيخ همدان بن محمد اسپتال پهچايو جتان ضروري ڪارروائي بعد مڙهه وارثڻ حوالي ڪيو ويو.مقتول عورت جي والد ٺارو سومري، ڀاءُ راحب سومري ۽ ٻين الزام هڻندي چيو ته گلزاران کي سندس مڙس امام بخش سومرو گهٽا ڏئي قتل ڪيو آهي، جوابدار کي گرفتار ڪري انصاف ڪيو وڃي.پوليس موجب، جوابدار جي گرفتاري لاءِ ڇاپا هڻي رهيا آهن، وڌيڪ معاملي جي جاچ به ڪئي پئي وڃي.
