خانپور مهر (ن س )خانپور مهر ويجهو نوجوان مبينا طور آپگهات ڪري ڇڏيو آهي. شهر ۾ درزڪو ڪم ڪندڙ هندو نوجوان سورج ڪمار گهر اندر ڦاهو کائي زندگي جو انت آندو. اطلاع ملڻ بعد پوليس واقعي واري هنڌ پهچي لاش تحويل ۾ وٺي اسپتال پهچايو جتان ضروري ڪارروائي بعد مڙهه وارثن حوالي ڪيو ويو. نوجوان سورج ڪمار جو لاش گهر پهچڻ تي ڪهرام مچي ويو. پوليس موجب، نوجوان سورج ڪمار جو گهر جي ڪمري مان لاش مليو آهي، وڌيڪ جاچ ڪئي پئي وڃي.
