ڪراچي(اسٽاف رپورٽر)صحت کاتي ۽ خصوصي ماڻهن جون مقرريون ۽ بدليون ڪيون ويون آهن. ڊي ايڇ او سکر ڊاڪٽر سيد علي گل شاهه کي بدلي ڪري رپورٽ ڪرڻ جي هدايت ڪئي وئي. ايڊيشنل ڊي ايڇ او ڊاڪٽر شمائله رسول کي اضافي ذميواري سنڀالڻ جي هدايت ڪئي وئي آهي. ٽنڊي الهيار جي اي ڊي ايڇ او سيد نعمان علي کي به ڊي ايڇ او جي اضافي ذميواري جي هدايت ڪئي وئي. ريجنل ڊائريڪٽر مخصوص ماڻهو سکر عبدالرزاق عباسي کي رپورٽ ڪرڻ جو حڪم ڏنو ويو. لاڙڪاڻي جي ريجنل ڊائريڪٽر عبدالقدوس ميمڻ کي سکر بدلي ڪيو ويو آهي. جيڪب آباد مان زاهده غوث ڪاڪيپوٽو کي لاڙڪاڻي ۾ ريجنل ڊائريڪٽر مقرر ڪيو ويو. زاهده غوث ڪاڪيپوٽو کي اسپيل ايجوڪيشن جي پرنسپال ۽ بحالي مرڪز جيڪب آباد جي اضافي چارج به ڏني وئي.
