گمبٽ (ن س)گمبٽ ريلوي ڦاٽڪ وٽ مال برادر ٽرين جو موٽرسائيڪل کي ٽڪر، هڪ ڄڻو سخت زخمي جيڪو گمس اسپتال ۾ فوت ٿي ويو آهي ٽرين جي ٽڪر ۾ زخمي ٿيل نوجوان کي فوري طور گمبٽ گمس اسپتال منتقل ڪيو ويو هيو جيڪو زخمن جا سور نه سھندي فوت ٿي ويو آهي واضح رهي ته مال برادر ٽرين پنجاب کان ڪراچي وڃي رهي هئي ته گمبٽ ڦاٽڪ وٽ حادثو پيش آيو، پوليس ۽ اسپتال انتظاميا پاران زخمي جي سڃاڻپ سومر علي مھراڻي طور ٿي آهي جيڪو گمس اسپتال ۾ ملازم پڻ هيو جيڪو ڳوٺ کان ڊيوٽي تي اچي رهيو هيو ته گمبٽ ريلوي ڦاٽڪ وٽ حادثو پيش آيو آهي نوجوان جو لاش گهر پهچڻ تي سندس گهر ۾ ڪهرام مچي ويو آهي
