ڪوئيٽا ( م ڊ ) نيشنل پارٽي جي سربراهه ڊاڪٽر عبدالمالڪ بلوچ هڪ تقريب کي خطاب ڪندي چيو ته نيشنل پارٽي سياست بدران سياست نه پر سماجي تبديلي جو قائل آهي، جيڪي دنيا جي ٻين انسانن کي حاصل آهن، اهڙن خيالن جو اظهار هن نيشنل پارٽي جي ميمبرن جي مان ۾ ڪوٺايل آجياڻي تقريب کي خطاب ڪندي ڪيو، ان موقعي تي هن چيو ته 8 فيبروري جي عام چونڊن ۾ اسان جي حق تي ڌاڙو هنيو ويو، نيشنل پارٽي جي عوامي مينڊيٽ کي کسيو ويو، ان چونڊن ۾ هزارا قوم جي ٻن ، سنڌي ۽ پنجابي قوم جي هڪ هڪ سيٽ تي ڌاڙو هنيو ويو، ملڪ ۾ هرطرف بيچيني ڇانيل آهي، عوام جو استحصال ڪيو پيو وڃي، ملڪ جون طاقتور ڌريون ملڪ کي جنهن طرف وٺي وڃي رهيون آهن اها وڌيڪ خطرناڪ ثابت ٿيندي. هن چيو ته بلوچستان ۽ ڪي پي جي عوام سان ناانصافيون جاري آهن، ٻنهي صوبن جي وسيلن تي ڌاڙا هنيا پيا وڃن. ٻنهي صوبن ۾ انساني زندگيون به محفوظ ناهن، انتهاپسندي ذريعي هزارا برادري جي ڪيترن ئي ماڻهن کي قتل ڪيو ويو، هن وڌيڪ چيو ته ملڪ ۾ نه پارليامينٽ جي بالادستي آهي نه عدالتون آزاد آهن ۽ نه ئي جمهوريت نظر اچي رهي آهي، حڪومت يرغمال بڻيل آهي، ضلعي ليول جي ٽرانسفر ۽ پوسٽنگ به اسٽيبلشمينٽ جي هٿ ۾ آهي.
