ڪراچي(ويب ڊيسڪ) سڄي ملڪ مان واٽس ايپ هيڪ ٿيڻ جون شڪايتون اچي رهيون آهن، جنهن ۾ اهم شخصيتن کي به نشانو بڻايو ويو آهي.گذريل ڪجهه مهينن دوران ملڪ ۾ ڪيترن ئي صارفين واٽس ايپ هيڪ ٿيڻ جي شڪايت ڪئي آهي. ان حوالي سان 50 شهرين ايف آءِ اي سائبر ڪرائم سرڪل ڪراچي ۾ واٽس ايپ هيڪ ٿيڻ جي شڪايت پڻ ڪئي آهي.شهرين کان علاوه اهم سماجي شخصيتن جا واٽس اپ به هيڪ ڪيا ويا آهن، جن ۾ سپريم ڪورٽ جي اڳوڻي سينيئر جج جسٽس وجيه الدين احمد، سي پي ايل سي جي اڳوڻي سربراهه احمد چنائي ۽ ٻين ڪيترن ئي اهم شخصيتن جو به واٽس اپ هيڪ ٿيو آهي. ايڊيشنل ڊائريڪٽر ايف آءِ اي سائبر ڪرائم سرڪل عامر نواز جو چوڻ آهي ته ان حوالي سان سائبر ڪرائم سرڪل ڪراچي ۾ به ڪيتريون ئي شڪايتون مليون آهن.هن چيو ته مالي فراڊ ۾ ملوث جوابدار ئي اهو ڪم ڪري رهيا آهن ۽ اڪثر جوابدار ڏکڻ پنجاب ۾ ويهي مالي فراڊ ڪري رهيا آهن ۽ شهرين کان پئسا گهرن ٿا. جوابدار فون تي ڪانٽيڪٽ لسٽ ۾ موجود ماڻهن کي ميسيج ڪري پئسا گهرن ٿا ۽ سادا شهري کين پئسا موڪلين ٿا.هن چيو ته اسان ڪيترن ئي شهرين جا واٽس اپ ميسيج حاصل ڪيا آهن.ان سلسلي ۾ سائبر ڪرائم سرڪل ملتان سان به رابطو ڪيو ويو آهي ۽ اسان انهن شڪايتن تي ڪم ڪري رهيا آهيون.سائبر ڪرائم اختيارين جي مطابق، توهان جو 6 عددي رجسٽريشن ڪوڊ جيڪو ايس ايم ايس يا اي ميل ذريعي اچي ٿو ڪنهن سان حصيداري نه ڪريو، ٻه قدم جي تصديق کي فعال ڪريو، صرف انهن ماڻهن کي اجازت ڏيو جيڪي توهان ڄاڻو ٿا ته توهان جي پروفائل فوٽو ڏسڻ جي صورت ۾، جيڪڏهن ڪو توهان کي ڄاڻو ته توهان کان پئسا طلب ڪريو انهن کي تصديق ڪرڻ لاءِ ۽ ڪنهن به غير ضروري يا غير محفوظ لنڪ کي نه کوليو.
