ڪراچي (اسٽاف رپورٽر)ڪراچي ۾ پاڻي جي کوٽ شديد ٿي وئي آهي.ڪيترن ئي علائقن ۾ لائينن ۾ پاڻي نه هجڻ سبب شهري مهانگي اگهه تي ٽينڪر خريد ڪرڻ تي مجبور آهن.ان کان علاوه ڪيترن ئي علائقن ۾ سيوريج جو پاڻي واٽر لائين ۾ اچڻ ۽ بدبودار پاڻي اچڻ جون شڪايتون مليون آهن.ڪراچي ۾ 84 انچ قطر جي واٽر سپلاءِ لائين بي آر ٽي ريڊ لائين جي تعميراتي ڪم دوران هڪ ڀيرو ٻيهر ٽٽي وئي آهي.ڪراچي يونيورسٽي ويجهو ٽيون ڀيرو پائيپ لائين ڦاٽڻ سبب شهر کي 70 سيڪڙو پاڻي جي فراهمي معطل ٿي وئي آهي.
