اسلام آباد (بيورو رپورٽ)اسلام آباد مان منشيات اسمگلنگ ۾ ملوث نائيجيرين جو هڪ گروپ گرفتار ڪيو ويو.اينٽي نارڪوٽڪس فورس (اي اين ايف) گرفتار نائجيرين شهري کان مليل اطلاع تي سيڪٽر G-13 ۾ هوٽل ويجهو ڪارروائي ڪئي.آپريشن دوران سيڪٽر جي 13 ۾ هوٽل ويجهو 5 وڌيڪ نائجيرين کي گرفتار ڪيو ويو.جوابدار جي فليٽ تي به ڇاپو هنيو ويو جتان 135 گرام ڪوڪين ۽ 3.2 ڪلو آئس هٿ ڪيو ويو.ان حوالي سان اي اين ايف جي ترجمان جو چوڻ آهي ته جوابدار اسلام آباد جي هاسٽلن ۽ تعليمي ادارن ۾ شاگردن کي منشيات فراهم ڪندا هئا.ترجمان جو چوڻ آهي ته گرفتار جوابدار خلاف اينٽي نارڪوٽڪس ايڪٽ تحت ڪيس داخل ڪيو ويو آهي.
