پشاور (ويب ڊيسڪ)پاڪستان تحريڪ انصاف جي اڳواڻ شوڪت يوسفزئي 16 ڊسمبر جي ڊيڊ لائن ملڻ باوجود سول نافرماني جي تحريڪ شروع نه ڪرڻ جو سبب ٻڌائي ڇڏيو.ميڊيا سان ڳالهائيندي شوڪت يوسفزئي چيو ته ڪنهن کي غلط فهمي نه رکڻ گهرجي، پي ٽي آءِ ۾ ڪوبه خوف ۽ اختلاف ناهي.هن چيو ته پي ٽي آءِ جي باني عمران خان سان ملاقات کانپوءِ هر ڪو ٻاهر اچي پريس ڪانفرنس ڪندو آهي، منهنجي خيال ۾ هر ڪنهن جي پريس ڪانفرنس تي پابندي لڳائي وڃي.اڳوڻي صوبائي وزير چيو ته پي ٽي آءِ باني سان ملاقات کانپوءِ رڳو پارٽي جا مقرر ٿيل ماڻهو ميڊيا تي بيان ڏين، هر ڪو ميڊيا تي بيان ڏئي ٿو، جنهن سان مونجهارو پيدا ٿئي ٿو.سول نافرماني جي تحريڪ شروع ڪرڻ بابت سوال تي شوڪت يوسفزئي چيو ته پي ٽي آءِ اڄ سول نافرماني جي تحريڪ نه شروع ڪرڻ جو فيصلو ڪيو آهي.سول نافرماني جي تحريڪ شروع ٿي وڃي ها جيڪڏهن مذاڪراتي ڪميٽي نه ٺهي ها.هن چيو ته پارٽي قيادت پي ٽي آءِ جي باني کي درخواست ڪئي ته پهريان ڳالهين جو موقعو ڏنو وڃي.بدقسمتيءَ سان حڪومت جو رويو انتهائي ٻاراڻو آهي.حڪومت شايد سمجهي رهي آهي ته پي ٽي آءِ ڪمزور ٿي وئي آهي، ان ڪري ڳالهين جون ڳالهيون ٿي رهيون آهن، هو چاهين ٿا ته ملڪ وڌيڪ مشڪلاتن ۾ نه اچي، پر حڪومتي رويو مايوس ڪيو آهي.
