ممبئي (ويب ڊيسڪ)بالي ووڊ سپر اسٽار سلمان خان جي سڄي دنيا ۾ موجود مداحن کي هن ڀيري اداڪار جي سالگرهه تي وڏو سرپرائز ملندو.سلمان خان جي ايندڙ فلم سڪندر جي هڪ جھلڪ ڏسڻ لاءِ سلمان خان جا لکين مداح ڪافي عرصي کان دربدر آهن.ڀارتي ميڊيا موجب موت جي ڪيترن ئي ڌمڪين باوجود سلمان خان فلم جي شوٽنگ جاري رکي رهيو آهي.فلم جي پروڊيوسر ساجد ناڊيا والا انڪشاف ڪيو آهي ته فلم سڪندر جو ٽيزر اداڪار جي 59 هين سالگرهه جي موقعي تي رليز ڪيو ويندو.سلمان خان 27 ڊسمبر تي پنهنجي 59 هين سالگرهه ملهائيندو ۽ هاڻي سندس فلم جو ٽيزر به ان ئي ڏينهن مداحن لاءِ رليز ڪيو ويندو.ڀارتي ميڊيا موجب فلم جو پوسٽر به سلمان خان جي سالگرهه جي تقريب دوران جاري ڪيو ويندو.ايڪشن ۽ ٿرلر فلم ۾ سلمان خان جي مقابلي ۾ ريشميڪا منڊانا شامل آهن ۽ ايندڙ سال عيد تي رليز ٿيندي.ڀارتي ميڊيا موجب سلمان خان فلم سڪندر جي شوٽنگ مڪمل ڪرڻ بعد ٿوري وقفي کانپوءِ ٻي فلم جي شوٽنگ شروع ڪندو.
