ممبئي (ويب ڊيسڪ)ڀارت جي اسٽار اسپنر روي چندرن ايشون انٽرنيشنل ڪرڪيٽ تان رٽائرمينٽ جو اعلان ڪري ڇڏيو آهي.روي چندرن ايشون آسٽريليا خلاف ٽئين ٽيسٽ ميچ کانپوءِ رٽائرمينٽ جو اعلان ڪري ڇڏيو آهي.ڀارت جي اسٽار اسپنر ايشون 106 ٽيسٽ ميچن ۾ ڀارت جي نمائندگي ڪئي، هن پنهنجي ٽيسٽ ڪيريئر ۾ 537 وڪيٽون ورتيون.روي چندرن اشون 116 ون ڊي ۽ 65 ٽي ٽوئنٽي ميچن ۾ ڀارت جي نمائندگي پڻ ڪري چڪو آهي.ان حوالي سان ايشون جو چوڻ آهي ته هر ڪنهن جو شڪر گذار آهيان، جيڪي ڪرڪيٽ جي هن سفر ۾ مون سان گڏ رهيا، اهو منهنجو آخري ڏينهن هو،هن چيو ته پنهنجي ڪيريئر دوران مون تمام گهڻو مزو ڪيو آهي ۽ ڪيتريون ئي يادگار يادون آهن، اهو منهنجي لاءِ انتهائي جذباتي لمحو آهي،ٻئي طرف ڀارتي ڪرڪيٽ بورڊ ايشون کي سندس ريٽائرمينٽ تي کيس خراج تحسين پيش ڪندي سندس شاندار ڪيريئر تي مبارڪباد ڏني آهي.
