مورو: (ن س) مورو درس ٿاڻي جي حد ڳوٺ مناھي ۾ گذريل رات نامعلوم هٿياربندن پاران مسجد جي پيش امام کي گوليون ھڻي قتل ڪري ڇڏيو.پوليس موجب مورو ڀرسان درس ٿاڻي جي ڳوٺ مناھي جي رھواسي 40 ورهين جي معشوق علي کوسو کي گوليون هڻي قتل ڪيو ويو آھي جنھن جو لاش سول اسپتال مورو پھچايو ويو آھي جتي کيس ڇاتيءَ ۾سڌيون گوليون ھڻي قتل ڪيو ويو آھي جڏھن ته سندس وارثن جو چوڻ ھئو ته معشوق علي کوسو مسجد اڳيان ڪريانه جو دوڪان ھلائيندو آھي جنھن ۾ سامان جي اوڌر تان ڏند چڪ ٿي جنھن بعد ھٿيار بند ماڻھن پاران مسجد جي پيش امام کي مسجد اندر گوليون ھڻي قتل ڪيو ويو آھي.پوليس طرفان ھن وقت تائين ڪوبه جوابدار گرفتار ناھي ڪيو ويو هنن آئي جي سنڌ کان مطالبو ڪيو آھي ته نوٽيس وٺي جوابدارن کي فوري طور تي گرفتار ڪيو وڃي.
