اسلام آباد(بيورو رپورٽ)وزيراعظم شهباز شريف چيو آهي ته ڏهاڪن تائين پاڪستان پناهگيرن لاءِ ميزبان رهيو آهي، پرڏيهه ۾ رهندڙ پاڪستانين ملڪ جو سفير بڻجي پنهنجي ملڪ جي سڃاڻپ ٺاهي ملڪ کي دنيا ۾ مشهور ڪيو آهي. پناهگيرن جي عالمي ڏهاڙي جي موقعي تي پنهنجي جاري ڪيل بيان ۾ وزيراعظم شهباز شريف چيو ته پناهگير نه رڳو پنهنجي ميزبان ملڪن جي ترقي ۽ خوشحالي آڻيندا آهن، پر پنهنجي وطن لاءِ زندگي جو اهڃاڻ پڻ هوندا آهن. سندس چوڻ هو ته سمنڊ پار پاڪستانين پاران موڪليل رقم پاڪستان جي معاشي استحڪام ۾ اهم ڪردار ادا ڪري ٿي، رڳو مالي سال 2024-25 جي پهرئين ٻن مهينن ۾ 5.94 بلين ڊالر موڪليا ويا، جيڪي وطن لاءِ لڳاتار لگن ۽ محبت جي ثبوت کي ظاهر ٿيون. وزيراعظم شهباز شريف چيو ته پاڪستان جي حڪومت سمنڊ پار پاڪستانين جي ڀلائي ۽ بااختيار بڻائڻ، سموريون سهولتون فراهم ڪرڻ ۽ حقن جي حفاظت لاءِ مڪمل طور پرعزم آهي.
