اسلام آباد (بيورو رپورٽ) چيف جسٽس پاڪستان يحيٰ آفريدي ججن جي بدلي کي آئين تحت سٺو قدم قرار ڏئي ڇڏيو.اسلام آباد ۾ پريس ايسوسيئيشن جي حلف برداري تقريب کي خطاب ڪندي چيو ته اسلام آباد هاءِ ڪورٽ جي ججن جي بدلي تي ڳالهائڻ چاهيان ٿو، اسلام آباد وفاق جي علامت آهي، اسان کي اسڪول موڪليو ويندو آهي ته توهان جينٽل مين بڻجي اچو.هن چيو ته مان ڇو ججن جي بدلي تي راضي ٿيس، ٽرانسفر آئين تحت ٿيو، هڪ بلوچي ڳالهائيندڙ جج آيو ۽ سنڌي ڳالهائيندڙ جج آيو، وفاق سڄي ملڪ جو آهي، آرٽيڪل 200 تحت اهو سٺو قدم آهي، ٻين صوبن مان وڌيڪ جج به اچڻ گهرجن. سندس چوڻ هو ته مان چيف جسٽس آهيان ۽ سڀني ججن سان ڳالهائيندس، وقت لڳندو سڀ ڪجهه ٺيڪ ٿي ويندو.
