اسلام آباد (ويب ڊيسڪ) 190 ملين پائونڊ ڪيس ۾ تحريڪ انصاف باني عمران خان کي سزا ٻڌائيندڙ جج ناصر جاويد جي بدلي ڪئي وئي. اسلام آباد هاءِ ڪورٽ جي چيف جسٽس احتساب عدالت جي جج جي بدلي ڪري ڇڏي، جنهن جو رجسٽرار نوٽيفڪيشن جاري ڪيو آهي.نوٽيفڪيشن موجب احتساب عدالت اسلام آباد جي جج ناصر جاويد کي تبديل ڪيو ويو آهي ۽ هاڻ ناصر جاويد ڊسٽرڪٽ اينڊ سيشن جج ويسٽ هوندو. ان کان اڳ اسلام آباد هاءِ ڪورٽ جو جسٽس اعظم سان ڊسٽرڪٽ اينڊ سيشن جج ويسٽ هو،جسٽس اعظم خان جي اسلام آباد هاءِ ڪورٽ ۾ مقرري کانپوءِ ڊسٽرڪٽ اينڊ سيشن جج جو عهدو خالي هو ۽ ايڊيشنل سيشن جج زيبا چوڌري کي عارضي طور مقرر ڪيو ويو هو.
