اسلام آباد (پ ر (محرابپور جي صحافي عزيز ميمڻ پاران بلاول ڀٽو جي ٽرين مارچ قافلي جي ڪرائي تي آندل عورتن ۽ مردن جي ميڊيا ڪوريج ڪرڻ تان علائقي جي بااثر پي پي اڳواڻن ۽ پوليس پاران موتمار ڌمڪين خلاف وفاقي وزيرن فواد چوڌھري، شيخ رشيد، وزير داخلا شھريارآفريدي ۽ ٻين سان ملاقاتون ڪري کين زيادتين کان آگاھي ڏني. ان موقعي تي وفاقي وزير اطلاعات فواد چوڌھري صحافي عزيز ميمڻ کي آٿت ڏيندي چيو ته اسان حق ۽ سچ لکڻ تي صحافي عزيز ميمڻ سان ھر مشڪل ۾ گڏ آھيون. ھن چيو ته جيڪي به بااثر ماڻهو عزيز ميمڻ کي ڌمڪائي رھيا آھن انھن خلاف سخت قانوني ڪاروائي ڪئي ويندي. ان موقعي تي ڊي جي رينجرز ۽ آئي جي سنڌ کي سرڪاري ليٽر جاري ڪري صحافي عزيز ميمڻ کي تحفظ ڏيڻ لا۽ حڪم جاري ڪيو. ان موقعي تي زيادتي جو شڪار ٿيل صحافي عزيز ميمڻ پاران وفاقي وزيرن جا ٿورا پڻ مڃيا. ان موقعي تي سنڌ جو ناليوارو اديب شاعر اختر درٻيلائي، آڪاش ڪمار ۽ ٻيا پڻ گڏ ھئا.
تازيون خبرون
مشهور خبرون
