مورو/نصير آباد/ڄامشورو:(ن س) جيئي سنڌ محاذ جي سڏ تي سنڌو مان ڇھ غير قانوني ڪئنال ڪڍڻ ڪارپوريٽ فارمنگ ۽ گم ٿيل قومي ڪارڪنن جي بازيابي لاء نيشنل ھاء وي مورو انڊس ھاء وي ڄامشورو ۽ نصير آباد وٽ ڌرڻا پنجاب ويندڙ رستا بند ان ڏس ۾ موري ۾ جيئي سنڌ محاذ جي چيئرمين رياض چانڊيو ڊاڪٽر نياز ڪالاڻي نواز شاهه ڀاڏائي عاشق زنئور ڪمال مھر الاھي بخش چاچڙ ۽ ٻين جي اڳواڻي ۾ باء پاس وٽ دادو روڊ وٽان ٻـ ڪلوميٽر مارچ ڪري مين نيشنل ھاء وي تي ڌرڻو ھڻي روڊ بلاڪ ڪيو ويو.ڌرڻي کي خطاب ڪندي جيئي سنڌ محاذ سربراھ رياض علي چانڊيو چيو ته گرين پاڪستان منصوبو سنڌ لاء تباھي آڻيندو ملڪ جي درياھن ۾ ايترو پاڻي ئي ناھي جو اضافي ڪئنال سنڌو درياه مان کوٽي سگھجن اھي ڪئنال سنڌين جي اجتماعي موت جو پروانو آھن سنڌ ۾ جر جو پاڻي زھريلو ٿي چڪو آھي اھو انساني حياتين لاء تباھي جو سبب آھي سمنڊ جي واڌ دنيا جو ستون نمبر وڏو ڊيلٽا ختم ڪري ڇڏيو آھي 60 لک ايڪڙ زمين مٺي پاڻي جي ڇوڙ نـ ٿيڻ سبب سمنڊ ڳڙڪائي پيو آھي ٺٽو بدين سجاول برباد ٿي چڪا آھن اتان غير معمولي لڏپلاڻ ٿي آھي سنڌ ۾ 75 لک ايڪڙ زمين آباد ٿئي ٿي چولستان ۽ ٻيا نوان ڪئنال ٺھيا تـ سنڌ معاشي تباھي جي ور چڙھي ويندي آباد سنڌ کي غير آباد ڪري چولستان کي آباد ٿا ڪن جيڪو ماحولياتي ڊزاسٽر آھي پيپلزپارٽي ھن سڄي تباھي ۾ شامل آھي وفاق ۾ حڪومت آصف زرداري ۽ بلاول جي ٽيڪ تي بيٺل آھي ان ڪري اھو فوري طور ڪئنالن جي خاتمي جو اعلان ڪن ڪئنالن جي ختم ٿيڻ جو نوٽيفڪيشن نـ نڪتو تـ چار اپريل ڇا ڪھڙو بـ ڏينھن ھوندو سنڌ پرامن جائز ۽ بقا جي جھدوجھد لاء روڊن تي ھوندي سنڌ جون زرخيز زمينون غير آباد پيون ٿين گورک کان وٺي سمورا تفريحي ماڳ قبضي ھيٺ آھن ھاليجي ڪينجھر ولارجي چڪا آھن سنڌ جي معدني زخيرن تي قبضو ٿيل آھي ان جو نالو گرين پاڪستان رکيو ويو آھي اھا ڪا عوامي ترقي نـ پر ڪروڙين سنڌ واسين جي تباھي جا منصوبا آھن زمين سنڌ جي ماڻھن جي آھي کين ڏني وڃي ڪارپوريٽ فارمنگ جي آڙ ۾ سنڌ جو معاشي قتل بند ڪريو سنڌ پھريان ئي غربت ۽ پسماندگي جو شڪار آھي ان جو پاڻي بـ کسيو ٿا پوء اھي ڪروڙين انسان ڪئين جي سگھندا ھي سنڌين جي نسل ڪشي آھي سياسي ڪارڪن پرامن جھدوجھد جي ڏوھ ۾ کڻي گم ڪيا پيا وڃن ھڪڙي لاقانونيت مڙھيل آھي,هن چيو ته سنڌ تي آمريت نافذ آھي اھو اسان کي قبول ناھي سنڌ پرامن جھدوجھد زريعي ريفرنڊم ڏئي چڪي آھي رمضان سڄو قوم رستن تي ھئي عيد جي ڏينھن عيد گاھون سراپا احتجاج ھيون ھولي جي ڏينھن ماڻھن ڪئنالن خلاف آواز اٿاريو پ پ سنڌ ۾ ڪاسميٽڪ احتجاج ڪري ڊراما پئي ڪري سنڌ انھنن کي رد ڪيو آھي گڏيل جھدوجھد ڪنداسين ڪئنالن جي خاتمي تائين سک سان نـ ويھنداسين ان موقعي تي جسقم اڳواڻ ڊاڪٽر نياز ڪالاڻي نواز شاهه ڀاڏائي ۽ ٻين خطاب ڪيو ٻئي طرف جيئي سنڌ محاذ جي مرڪزي سڏ تي نصيرآباد انڊس ھاءِ وي تي سنيئر وائيس چيئرمين عزيزالله ڀٽو جنرل سيڪريٽري غفارميرجت ڊپٽي سيڪريٽري ذوالفقار بليدي حبدار ميرجت راهول چولياڻي ۽ ٻين جي اڳواڻي ۾ احتجاجي ڌرڻو هنيو ويو اڳواڻن چيو ته سنڌو درياھ تي ڪئنال ڪڍڻ سنڌي ماڻھن کي معاشي تباھ ڪرڻ جو منصوبو آھي هڪ طرف سنڌ جي زمينن تي ڪارپورٽ فارمنگ جي نالي تي ولار ڪئي پئي وڃي جيڪا ڪنهن به صورت ۾ قبول ناهي ڪارڪن درياه ۽ زمينون بچائڻ لاء پُرامن احتجاج ڪن ٿا ته انهن کي جبري طور کنڀي گم ڪيو وڃي ٿو امتاز ڀٽي ساگر ملاح ڪترن ئي ڏينهن کان کنڀي گم ڪيا ويا آھن انهن کي فوري طور آزاد ڪيو وڃي هوڏانهن ڄامشورو ۾ مرڪزي ڊپٽي جنرل سيڪريٽري پنهل جمالي عرفان سومرو اڪبر چانڊيو ۽ ٻين جي اڳواڻي ۾ ڌرڻو هنيو ويو.
