اسلام آباد: (بيورو رپورٽ) پاڪستان تحريڪ انصاف جي اڳواڻ شبلي فراز پي ٽي آءِ باني عمران خان سان جيل ۾ ملاقات جي اجازت نه ملڻ خلاف توهين عدالت جي درخواست داخل ڪري ڇڏي آهي.پنهنجي هڪ بيان ۾ قومي اسيمبلي ۾ اپوزيشن اڳواڻ عمر ايوب خان چيو ته اڍائي مهينن کان لاڳيتو اچي رهيا آهيون پر اسان جي پي ٽي آءِ باني سان ملاقات ڪرڻ نه پئي ڏني وڃي. هن چيو ته پي ٽي آءِ باني عمران خان پاڻ فهرست ڏيندو آهي پر ڪنهن کي به ملڻ ناهي ڏنو ويندو.ٻئي طرف پاڪستان تحريڪ انصاف جي اڳواڻ سينيٽر شبلي فراز عمران خان سان ملاقات جي اجازت نه ملڻ خلاف توهين عدالت جي درخواست داخل ڪري ڇڏي آهي.شبلي فراز چيو ته علي امين گنڊاپور جي جيڪڏهن ملاقات ٿي آهي ته اهو هڪ صوبي جو وڏو وزير آهي، پارٽي قيادت کي ملاقات ڪرڻ نه پئي ڏني وڃي اها ڳالهه سمجهه کان ٻاهر آهي. ياد رهي ته ڪي پي ڪي جي وڏي وزير علي امين گنڊاپور ۽ ڪي پي ڪي جي اطلاعات واري صلاحڪار بيرسٽر سيف اڊيالا جيل ۾ عمران خان سان ڊگهي ملاقات ڪئي هئي.
