ڪراچي (اسٽاف رپورٽر) لاهور قلندرز ۽ ڪراچي ڪنگز ۾ 26هون ميچ ٿيو جيڪو ڪراچي ڪنگز 10 وڪيٽن تان کٽي ورتو. ڪراچي ٽاس کٽي لاهور کي بيٽنگ جي دعوت ڏني ۽ هو 5 وڪيٽن جي نقصان تي 150رنسون ٺاهيون. جيڪي ڪراچي جي ٻنهي اوپنرز 17 بال بچڻ کان اڳ ئي ٽارگٽ پورو ڪري ورتو. شرجيل خان5 ڇڪن ۽ 5 چوڪن جي مدد سان 59 بالن تي 74 رنز ٺاهيون ۽ بابر اعظم هڪ ڇڪي ۽ 8 چوڪن جي مدد سان 46 بالن تي 69 رنز ٺاهي ورتيون.
ان کان اڳ لاهور وارن بيٽنگ ڪندي ڪپتان سهيل اختر ٻن ڇڪن ۽ 8 چوڪن جي مدد سان 49 بالن تي 68 رنز ٺاهي ارشد اقبال جي بال تي ايل بي ڊبليو ٿيو. فخر الزمان 3 چوڪن جي مدد سان 13 بالن تي 17 رنز ٺاهي آئوٽ ٿيو. ڪرس لين 5 بالن تي 5 رنز ٺاهي ارشد اقبال جي بال تي افتخار احمد هٿان ڪيچ ٿيو، بين ڊنڪ هڪ چوڪي جي مدد سان 14 بالن تي 9 رنز ٺاهيون، محمد حفيظ هڪ ڇڪو ۽ 3 چوڪن جي مدد سان 22 بالن تي 35 رنز تي ناٽ آئوٽ رهيو.سمت پٽيل 9 بالن تي 5 رنز ٺاهي ڪرس جورڊن جي بال تي بابر اعظم هٿان ڪيچ ٿيو ۽ ڊيوڊ ويز 9 بالن تي 5 رنز ٺاهي ناٽ آئوٽ رهيو.
