روھڙي(رپوٽ امان ﷲ سومرو)ريلوي فٽبال گرائونڊ ۾ جاري پهرين شھزاد عرف شتو شھيد ٽورنامينٽ جو سيمي فائنل ۾ زبردست مقابلي بعد ستار اليون 0 جي مقابلي ۾ 1 گول تان کٽي فائنل ۾ پهچي وئي. ان موقعي تي سيمي فائنل جي مهمان خاص پي ٽي آئي ريجن سکر جي انفارميشن سيڪريٽري ڪاشف حسين قاضي صحافين سان ڳالهائيندي چيو ته راندين جي ميدانن کي آباد ڪرڻ گهرجي، رانديون سماج ۽ ماحول کي بھتر بڻائينديون آهن. هن دور ۾ نوجوانن کي برائي کان بچائڻ ۽ انهن جي مستقبل کي روشن ڪرڻ لاءِ توڙي هن افرا تفري واري ماحول کان محفوظ رهڻ لاءِ راندين تي ڌيان ڏيڻو پوندو. هن وڌيڪ چيو ته روهڙي ۾ مسلسل فٽبال راند ٿيڻ تي دلي خوشي ٿي آهي ۽ اميد ٿو ڪريان ته راندين جا ميدان ائين ئي آباد رهندا مهمان خاص پاران فاتح ٽيم کي نقد انعام پڻ ڏنو ويو جڏهن ته راند شروع ٿيڻ کان اڳ مهمانن خاص کي گرائونڊ ۾ اچڻ تي گلن جا هار پارائي آڌر ڀاءُ ڪيو ويو.
