ڪراچي (اسٽاف رپورٽر) اڳوڻو ڪور ڪمانڊر ليفٽيننٽ جنرل (ر) مظفر عثماني دل جو دورو پوڻ سبب فوت ٿي ويو. سيندس لاش ڪينٽ لڳ نيوي جي اسپتال ۾ منتقل ڪيو ويو آهي. هو اڪيلو گاڏي ڊرائيو ڪري رهيو هو ته کيس دل جو دورو پيو. پوليس لاش اسپتال پهچايو. جڏهن جنرل پرويز مشرف جو جهاز لهڻ نه پئي ڏنو ويو ته ان وقت ڪراچي جي ڪور ڪمانڊر مظفر عثماني هو جنهن ايئرپورٽ جو ڪٽرول سنڀالي مشرف کي لينڊ ڪرايو هو، جنهن بعد هن نواز شريف کي گرفتار ڪري مارشل لا هنيو هو.
جنرل مشرف ان وقت جنرل عثماني کان پڪ ڪرڻ لاءِ سندس پالتو ڪتي جو نالو پڇو هو جنهن بعد پڪ ٿيڻ تي هن جو جهاز لٿو هو. ٻن سالن بعد جنرل مشرف جي فوجي بغاوت ڪامياب ڪرائيندڙ جنرل محمود ۽ جنرل عثماني کي ٻن سالن بعد جڏهن مشرف طالبان جي حمايت ختم ڪري آمريڪا سان تعاون جو فيصلو ڪيو ته برطرف ڪري ڇڏيو هو.
