اسلام آباد)ويب ڊيسڪ)ملائيشيا لازمي موت جي سزا کي ختم ڪرڻ جو فيصلو ڪيو آهي، جيڪو هن وقت قتل، دهشتگردي ۽ منشيات جي اسمگلنگ سميت مختلف ڏوهن ۾ استعمال ٿي رهيو آهي. جج هاڻي انهن ڏوهن جي ڪيسن ۾ موت جي سزا کان سواءِ مناسب سزائن جو فيصلو ڪري سگهندا. ملائيشيا جي قانون واري وزير وان جنيدي ٽوانڪو جعفر هڪ بيان ۾ چيو آهي ته ماهرن جي رپورٽ ۾ متبادل سزائون تجويز ڪيون ويون آهن ۽ انهن جو جائزو وٺڻ کانپوءِ حڪومت 11 ڏوهن جي متبادل سزا تي غور ڪيو آهي جن جي سزا موت آهي.هن وڌيڪ چيو ته سمورن سروي مان ثابت ٿيو آهي ته حڪومت کي سڀني ڌرين جي حقن جي تحفظ کي يقيني بڻائڻ گهرجي ۽ ان کي نظر ۾ رکندي لازمي موت جي سزا تي نظرثاني ڪرڻ جو فيصلو ڪيو ويو.
