ڪراچي (ڊيسڪ رپورٽ) پاڪستان ٽي وي جي نوجوان، خوبصورت ۽ تيزي سان مقبول ٿيندڙ جوڙي احد رضا مير ۽ سجل علي کي عالمي ويب سائيٽ “بز ايشيا” تي بهترين جوڙي جي ايوارڊ لاءِ نامزد ڪيو ويو آهي. عالمي ويب سائيٽ بز ايشيا آن لائن ايوارڊ 2019 جي نامزدگين جي فهرست جاري ڪئي آهي. بزايشيا تي اپريل ۾ نتيجن جو اعلان ڪندي. هن ويب سائيٽ انهن اداڪارن کي ايوارڊ سان نوازڻ جو فيصلو ڪيو آهي، جيڪي پنهنجي هاڪاري ۽ غير معمولي ڪم سبب پنهنجي سڃاڻ ٺاهڻ ۾ ڪامياب ويا آهن. بزايشيا ۾ گهڻي قدر ڀارتي اداڪار، اداڪارائون ۽ ڀارتي ڊرامن جي مختلف ڪيٽيگريز ۾ نامزد ڪيو ويو آهي ته پاڪستان جي مشهور ڊرامي “آنگن” سان ماڻهن کي ديوانو بڻائيندڙ احد رضا مير ۽ سجل علي جي جوڙي به نامزدگين ۾ شامل ٿيڻ ۾ ڪامياب وئي آهي. احد رضا مير ۽ سجل علي کي ڊراما سيريل “آنگن” ۾ بهترين جوڙي لاءِ نامزد ڪيو ويو آهي. هن ڪيٽيگري ۾ سندن مقابلو ڀارتي ٽي وي جي ناليوارن اداڪارن هرشد چوپڙا ۽ جينيفر ونگٽ، نڪل ۽ سُرڀي سميت بين اداڪارن سان ٿيندو. احد ۽ سجل کانسواءِ بهترين “ميوزڪ ٽيلنٽ” جي ڪيٽيگري ۾ پاڪستاني فنڪار عاطف اسلم کي به مختلف ڀارتي فنڪارن سان گڏ نامزد ڪيو ويو آهي.
تازيون خبرون
مشهور خبرون
