ملتان (ويب ڊيسڪ)ملتان ٽيسٽ جي ٻئي ڏينهن پاڪستاني ٽيم پهرين سيشن کان اڳ 202 رنسن تي آئوٽ ٿي وئي، جنهن کانپوءِ انگلينڊ کي 79 رنسن جي سرسي حاصل آهي.ملتان ٽيسٽ جي ٻئي ڏينهن تي پاڪستان 2 وڪيٽن جي نقصان تي 107 رنسن سان ميچ جي شروعات ڪئي پر پهرين سيشن ۾ ڪپتان بابر اعظم 75 رنسن ۽ پوءِ سعود شڪيل 63 رنسون ٺاهي آئوٽ ٿيڻ بعد وڪيٽون لائين ۾ پئجي ويون. ان کان پوءِ محمد رضوان 10، محمد نواز 1، محمد علي ۽ زاهد محمود صفر وڪيٽ تي آئوٽ ٿيا ۽ فهيم اشرف 22 رنسون ٺاهي آئوٽ ٿيا جڏهن ته ابرار احمد 7 رنسون ٺاهي ناٽ آئوٽ رهيو.ٻئي ڏينهن پهرئين سيشن ۾ ڪپتان بابر اعظم 75 رنسون ٺاهي انگلش بالر اولي رابنسن جي بال تي آئوٽ ٿي ويو، جنهن کانپوءِ سعود شڪيل جيمز اينڊرسن کي جيڪ ليچ جي بال تي ڪيچ آئوٽ ڪيو ۽ 63 رنسون ٺاهي پويلين موٽيو. محمد رضوان کي به جيڪ ليچ بولڊ ڪيو، جنهن کانپوءِ روٽ آغا سلمان ۽ محمد علي، جڏهن ته جيڪ ليچ محمد نواز، مارڪ ووڊ زاهد محمود ۽ فهيم اشرف جون وڪيٽون ورتيون.
