ڪراچي(اسٽاف رپورٽر)انگلينڊ خلاف ملتان ٽيسٽ ميچ ۾ انٽرنيشنل ڊيبيو ڪندڙ پاڪستاني اسپن بالر ابرار احمد هڪ منفرد ڪارنامو انجام ڏئي ڇڏيو آهي.ملتان ٽيسٽ ميچ جي پهرين ۽ ٻي اننگز کانپوءِ ابرار احمد ڪراچي ٽيسٽ جي پهرين اننگز ۾ به پنهنجي پهرين اوور ۾ هڪ وڪيٽ ورتي. پاڪستان جي نوجوان اسپنر زيڪ ڪرولي کي ملتان ٽيسٽ جي پهرين اننگ ۾ پنهنجي پهرين اوور ۾ ۽ ول جيڪس کي ٻي اننگز جي پهرين اوور ۾ آئوٽ ڪيو.ملتان ٽيسٽ کانپوءِ ابرار احمد ڪراچي ۾ به پهرين اوور ۾ وڪيٽون وٺڻ جو انداز جاري رکيو.هن ڪراچي ٽيسٽ جي پهرين اننگز ۾ پنهنجي پهرين اوور ۾ زيڪ ڪرولي کي ايل بي ڊبليو آئوٽ ڪري ڇڏيو.واضح رهي ته ابرار احمد ملتان ٽيسٽ ميچ ۾ ڪل 11 وڪيٽون ورتيون.
