سڊني(ويب ڊيسڪ)آسٽريليا جو جارحاڻي بيٽسمين ڊيوڊ وارنر 100 ٽيسٽ ميچ کيڏندڙ 14 هون آسٽريلوي ڪرڪيٽر بڻجي ويو.ڊيوڊ وارنر ڏکڻ آفريڪا خلاف پنهنجي باڪسنگ ڊي ٽيسٽ ڪيريئر جي 100هين ٽيسٽ کيڏي، هن پنهنجي ڪيريئر جي شروعات ميلبورن ڪرڪيٽ گرائونڊ تي ٽي 20 ميچ سان ڪئي.اڳوڻو آسٽريلوي ڪپتان رڪي پونٽنگ، اسٽيو وا، ايلن بارڊر، شين وارن، مارڪ وا ۽ گلين ميگرا به 100 ٽيسٽ کيڏي چڪا آهن. ان سان گڏ ان لسٽ ۾ اين هيلي، مائيڪل ڪلارڪ، ناٿن ليون، ڊيوڊ بوون، جسٽن لينگر، مارڪ ٽيلر، ميٿيو هيڊن شامل آهن.ميڊيا رپورٽن موجب ڊيوڊ وارنر سڊني ٽيسٽ کان اڳ ڪرڪيٽ آسٽريليا سان پنهنجي ڪيريئر بابت ڳالهائيندو، هو سڊني ڪرڪيٽ گرائونڊ ۾ پنهنجي ملڪ لاءِ الوداعي ٽيسٽ کيڏڻ جو خواهشمند آهي.ڊيوڊ وارنر ايندڙ سال ايشز لاءِ ڀارت ۽ انگلينڊ جو دورو ڪرڻ جو خواهشمند آهي.
