ڪراچي(اسٽاف رپورٽر)پاڪستان ڪرڪيٽ ٽيم جي اڳوڻي ڪپتان شعيب ملڪ چيف سليڪٽر شاهد آفريدي کي وڪيٽ ڪيپر بيٽسمين سرفراز احمد جي حوالي سان صلاح ڏني آهي.شعيب ملڪ سوشل ميڊيا ويب سائيٽ ٽوئيٽر تي لکيو ته شاهد آفريدي سرفراز احمد کي ٽيم ۾ شامل ڪري سمارٽ فيصلو ڪيو آهي.سندس چوڻ آهي ته منهنجي صلاح آهي ته سرفراز احمد کي ون ڊي فارميٽ ۾ به استعمال ڪيو وڃي ڇاڪاڻ ته کيس ميڊيم اوور کيڏڻ جو تجربو آهي ۽ ايندڙ ورلڊ ڪپ به تمام ويجهو آهي.پنهنجي پيغام ۾ شعيب ملڪ ڪپتان بابر اعظم جي سينچري کي به ساراهيو ۽ ٽيم لاءِ نيڪ خواهشن جو اظهار ڪيو.اڳوڻي ڪپتان پنهنجي پيغام ۾ شاهد آفريدي، سرفراز احمد ۽ بابر اعظم کي به ٽيگ ڪيو.
