اسلام آباد: (ويب ڊيسڪ) پي ٽي آءِ باني چيئرمين جي سڏ تي تحريڪ انصاف جي ڪارڪنن لاهور، ڪراچي، پشاور سميت مختلف علائقن ۾ ريليون ڪڍڻ جي ڪوشش ڪئي پر پوليس ڪريڪ ڊائون ڪندي ڪيترن ئي ڪارڪنن کي گرفتار ڪري ورتو آهي.راولپنڊي ۾ جاتلي جي علائقي ۾ پوليس ڪريڪ ڊائون ڪري 10 ڪارڪنن کي گرفتار ڪري ورتو. راولپنڊي ۾ اين اي 56 ۾ ريلي ڪڍي وئي جيڪا ڍوڪه رته کان ٿيندي سيد پور روڊ تي ختم ٿي، ريلي ۾ شرڪت ڪندڙن هڪ رياست جا 2 دستور نامنظور جا نعرا لڳايا. انهن پي ٽي آءِ جهنڊا ۽ عمران خان جون تصويرون کڻي رکيون هيون.پشاور ۾ به پي ٽي آءِ طرفان ريلي ڪڍي وئي پر پوليس ريلي کي رنگ روڊ تي روڪي ڇڏيو. ان موقعي تي پوليس ۽ پي ٽي آءِ ڪارڪنن ۾ هاٿا پائي به ٿي. پوليس ڪيترن ئي پي ٽي آءِ جي ڪارڪنن کي گرفتار ڪري ورتو. پوليس جو چوڻ آهي ته پي ٽي آءِ ڪارڪنن ريلي جي لاءِ اين او سي ناهي ورتي جنهن کان سواءِ جيڪو به روڊ تي ايندو گرفتار ڪيو ويندو.ڪراچي ۾ تحريڪ انصاف طرفان ڪلفٽن ۾ ريلي ڪڍي وئي جتي پوليس 50 کان وڌيڪ ڪارڪنن کي گرفتار ڪري ورتو. لاهور جو علامه اقبال روڊ باني چيئرمين جي نعرن سان گونججي اٿيو. اين اي 119 ۾ تحريڪ انصاف جي حمايت يافته اميدوار ميان شهزاد فاروق جي اڳواڻي ۾ ريلي ڪڍي وئي. جنهن ۾ مردن، عورتن ۽ عورتن وڏي انگ ۾ شرڪت ڪئي. پوليس جي وڏي نفري مقرر هئي پر ڪارڪنن جو انگ وڏو انگ هجڻ سبب پوليس رستي تان هٽي وئي.
